Oigotasig Nasitaneo : Telsotasigeo Marshalleoei , New Brunswick ag Atlantic Canada tapoisgag tje nan giis
Gegenoatagen Oigatigen New Brunswick Studies/Revue d’’etudes sur le Nouveau-Brunswick
(https://jounal.lib.unb.ca/index.php/JBNS) na etl maoitampg otjit oesgotasig gogei otjit province ag tan tet eimotimg oetjoo ag ositgamog tan teloltigo. Notji ginamoatitjig otjit elnoei teplotagen, nemetjogagen/ nipogt tan telotasig, Crown-Indigenous- Settler telamatoltimg , ag nematjoinoei teplotagen na oigomotjig ola tepgisteg oigatigen tan oesgotasig ag angaptasig 1999 Supreme Court of Canada ( SCC) Marshall telsotasigepag tan telatog New Brunswick ag Atlantic Canada tapoisgag tje nan tesipongeg pemiag.
Tan tel nenemog New Brunswick gisgog na oetjiag elnoei magemigeo tan menag entasinog Wolastoqiyil, Mi’kmaq ag Peskotomuhkatigeoag. Ola magemigeo na oigagatasig “ Treaties of Peace and Friendship” tan ola elnoei maoi ampgoes eoigasigep mao British Crown 1725eg. Ola teplotagen mo eoitemogep magemigeo igsatasigten gesnet tan gogeo oetjiag, gato teloag Mi’kmaq ag Wolastoqiyikeoag alspotemiititj magemigeo ag tan teliateo oetjgategemg Elnog ag aglasieog.
2024 na giis 25, tesipongeg gis ilsotasigep Marshall tan teloepenig elnoel teplotagen teltegel elmmog gisi goitametag, oesgetag, ag moisoltitag otjit nematjoiagen ola Canada. Oegao gisi egtjitoog tan gogei gisi ginamasoltigo ola 25 tesipongeg na notag angaptemeneo tan teliensetasig ag teltegel ola Peace & Friendship treatiil, ta oenis ola Donald Marshall Jr., tjinem,, gesemenag ag ontjegel gesmo ilsomamegeg, ag tan tel milisentemgel ola SCC tan tesot gogei. Amotj menaga angaptasig tan teliagep neot gis sotasigeg, tan teleotjig elnog, tan mo tetapoalamegig ag tan oitjei teliag gisgog, ag tan teli osoatasig gogei , mao tan teloitasig Initial ag Longer-term Marshall Response Initiatives in 2000 ag 2001, Atlantic Integrated Commercial Fisheries Initative 2007eg , ag Rights ag Reconciliation Agreements 2017eg. Iganapoltimpg, notag ilatoneo tan telatog solieoei ag logeoagen ag oetjiton tan gogeo “moderate livelihood”. Ola nige tepgisteg oigatigen, goilmeg menagatj tetapoi ensetemenen tan tet emoog gisgoog angaptemog tan tet oetjitaigo piamio Marshall oegao gisgog, ag tan gogei gisatesno ag tan gogei matenemog tes iganitaogo.
Getjitoeg na tan gepemegel tan teli ensetemg gogeo ag tan tel egtjitasig gogei na gelnemitjitj nematjoinig stige tan apiginamasit , elno niganesg, politicianseg, administeratorag, ag etl ginamasoltiteog ag egtegig. Milamogsit oen tan apogenemoeteo gilotjig oetjategemg tan tel oigasig gogei oegao “ etleoistotitgoig guest editors” tan oigagatemg tan teloetjig.
Tan gogei pegistitotitj nagisi oigasigteteo, aglasieoigtog , oentjoigtog gesnet Migemamoaigtog ola tan gogei goilemog pasena mo paseg:
1. Ta oen Donald Marshall, Jr.
a. Geseg mo ag piamio 1999 SCC Marshall gisetasigeg
2. Tan teliensetemgel Peace & Friendship Treatiil.
a. Teli ensetemgel sageoel teplotagen
b. Tan Crown-Indigenous relations telteg gigtjaptasigel sageoel teplotagen
c. Indigenous-Acadian telamatoltimg
3. Tan Marshall telotasig
a. Elno tan tel ensetg Marshall decision
b. Gepetnol tan notjotemitj nemetjogagen framework/otlogeoagen
c. provincial (NB, NS, PEI, NL) - First Nations telamatoltjitjig
d. tan Marshall telotaig ag tan gogei magemigeg oetjiag
e. tan telogoeg science (Western, Traditional Ecological Knowledge) tan tel pemiag nemetjogagenigtog
4. oetjategemg Marshall gisetasigeg – oetjoeo
a. Esgenoôpetitj/Burnt Church totjo ag nige
b. policing Atlantic fisheries oetjategemg -2000
c. piamio Marshall policy tan teli oesoetjotemg - tan elogeg ag mo elogenog
5. Piamio-Marshall gisetasig - pegitjeg
a. Gogei neet “ moderate livelihood” ag egtegel tan notag angaptasigten
b. Tan telasig oetjategempg Marshall gisetasigeg elnoegatigtog nemetjogagen.
c. Tan telasig oetjategemg Marshal gisetasigeg elnoeo tel nepatemg soliei ag logeoagen
6. Tan tel siaoasig penogitelmot elno ag( mo) tel tetapoalameg oetjategemg Marshal gisetasigeg
7. Tan gogeo gisi ginamasoltiteseno egtegig elnog ositgamoog
Notji oigegetitjig otjiemgemtag tan teseg pisgoegigtasig ogatigen tan oiagatasigteteo ola tepgisteg oigatigen ag maoitatag togag 2022 gesnet gesig 2023. Elmiag poatemen oiagatasigten giil egtlogeoagen, geseg pisgoegiten tan gisioigemen ag togagtjitj biography, elgiteg malevesque@mta.ca gesmo Oigeoigos 2022. Elmiag giil egotigatigen emgenasig, na pipanimoltem pisgeogitemen amsgoeseoei oigatigen 7,000-8,000 teseg gelosoagen egtoigatigen tan angaptetag notji oigegetitjig ag ilaptetag gesmo Siogeoigos, 2023, togosep gagatasigteteo Oigomgeoigos amsgoeseoei , 2023. Tan teseg oigatigen na togosep liateo Journals standard external review process gesmo oesoatasinog.
Nenagitemeg tan gogei pisgoegitasig !
Espitetasit Graydon Nicholas, Dr. Ken Coates, Dr. Mario Levesque
Notji oigegietitjg, tepgisteg oigatigen : The Marshall Decisions
Journal of New Brunswick Studies/Revue d’études sur le Nouveau-Brunswick